Web edukia bistaratu

1
Ormaiztegiko Oin-harriak martxan ditugu.

2017·11·30


Azaroaren 22an jarri zen martxan Ormaiztegin Oin-harriak izeneko programa, asteazkenero garatuko delarik goizeko 10:30ean.

Adineko pertsonen osasun fisiko eta mentala hobetzeko Ormaiztegiko Ttipi-Ttapa ibilbide osasungarriak jarri dira abian. Ibilbideak lauak eta seguruak dira eta zailtasunak dituzten pertsonei egokituta daude.

Elkarrekin ibiltzeko geratzen gara , bakoitzak ahal duen neurrian, eta horretaz gain, ondo pasa eta lagunak egingo ditugu. Beti bolondresen laguntzaz.

Gogora ezazu ariketa fisikoa egiteak onura handia dakarkiola zure osasunari. Eman izena Osasun Etxean edo bertaratu abiapuntura, Udaletxe parean.

1

Web edukia bistaratu

“Eskola zaharrak” eraikuntzan hasiak dira eraberritzeko obrak.

2017·11·29


Hasiak dira dagoeneko Ormaiztegiko "Eskola Zaharrak" eraberritzeko obrak; esleipen prozesua amaitu ondoren, Iturrioz SA  enpresa suertatu zen irabazle eta  2017ko urriaren 26an formalizatu zen eraikina eraberritzeko obra kontratua, hamaika hilabeteko exekuzio iraupena eta 900.179,67 €-ko aurrekontua izango duelarik. Honetaz gain, 2018. ekitaldian ekipamenduak jartzeko esleipen eskaintza aterako du Udalak 150.000 €-ko aurrekontuaz.

Notizia ona zalantzarik gabe, Udalak legegintzaldi honetarako duen proiektu nagusiena dela kontutan harturik,  eraikuntzak ormaiztiarrei eskainitako kultura eta gizarte zerbitzu garrantzitsuak bilduko dituelako, Gaztelekua, Adinekoentzat Eguneko Arreta Zerbitzua eta Liburutegia besteak beste.